ናይ ቀደም ዐቕባ ዝሓተቱ ከምኡእውን ስራሕ ዘለዎም ፤ ናይ ስራሕ ፍቓድ ንኽወሃቦም ዝሓቱ

እቲ ንዓኻ ኣብ ሽወደን ዚቖጸረካ ወይ ስራሕ ዘስርሓካ ሰብ፥ ብዛዕባ’ቲ ዚህበካ ስራሕ እንታይ ምዃኑ ሓበሬታ ብምቕራብ፥ ናይ ስራሕ ፍቓድ ንኸውጽኣልካ ምልክታ ምቕራብ ኪጅምር ይኽእል እዩ። ወሃብ ስራሕካ ብዛዕባኻ ማለት ሽምካ፤ ዝተወለድካሉ ዓ.ም፤ዜግነት፤ ትምህርትኻን፤ ኢመይል ኣድራሻኻን የድልዮ።

ኢመይል ኣድራሻ ክህልወካ ናይ ግድነት እዩ፤ ንስኻ ንወሃቢ ስራሕካ ውሳኔ ምስተወሰነልካ ትህቦ። ቤት ጽሕፈት መዕቆቢ ስደተኛታት ብኢመይል ኣድራሻኻ ጌሩ ኣብ እዋን ፍቓድ ናይ ስራሕ ፍቓድ ርክብ ምሳኻ የካይድ።

ሓበሬታ ንምውሃብ ስራሕ (ብቛንቛ አንግሊዝ)

እቲ ወሃብ-ስራሕካ ብዛዕባ’ቲ ናይ ስራሕ ምቝጻርካ ሓበሬታ ምስ ኣቕረበ፥ ንስኻ ንናይ ስራሕ ፍቓድ ምልክታ ንምቕራብ እንታይ ክትገብር ከም ዘሎካ ሓበሬታ ዝሓዘ፥ ”ኤ-ፖስት” ኪልኣኸልካ እዩ።

ኣብ እትመልኦ ወረቐት ድማ ብዛዕባኻ ትገልጽ፤ ስድራ ምስዝህልወካ ንሳቶም ድማ ፍቓድ ናይ መቐመጢ ንስድራኻ ብሓባር ትሓትት። ካብ ርእሲኡ ውን እቲ ክትቆጻጸሮ ዘሎካ ነገር፥ ኣብቲ ተዋሂቡ ዘሎ ሓበሬታ፡ እቲ ሓቅነት ናይቲ ናይ ስራሕ ኣቆጻጽርኻ ኵነት፥ ልክዕ ከምቲ ንስኻን እቲ ወሃብ ስራሕካን ተሰማሚዕኩምሉ ዘሎኹም ነገር፥ ሓደ ከም ምዃኑ እዩ።

ብዛዕባ ፍቓድ ናይ ስድራ ቤት ኣንብብ (ብቛንቛ አንግሊዝ)

እዞም ዝስዕቡ ወረቓቐትኻ ስካን ወይ ስእሊ ጌርካ ምስ እቲ ዝመላእካዮ ወረቐት ኣተሓሒዝካ ትልእኽ።

• ኮፒ ካብ ፓስፖርት ብዛዕባኻ ዝገልጽ፤ ስእሊ፤ፌርማ፤ቁጽሪ ፓስፖርትን፤ኣበይ ሃገር ከምዝተዋህበካን፤ንኽንደይ እዋን ከምዘገልግልን፤ ብማሺን ክንበብ ዝኽእል ኮድን ብዛዕባኻ፤ ኣብ ካልኦት ሃገራት ንኽትቅመጥ ፍቓድ ምስዝህልወካ፤ብዘይካ ሃገርካ። ምናልባት ዑቕባ ኣብ ዝሐተትካሉ እዋን ቤት ጽሕፈት መዕቆቢ ስደተኛታት እንተድኣ ወሲዶሞ ኮፒ ናይፓስፖርት ናብ ቤት ጽሕፈት መዕቆቢ ስደተኛታት ምልኣኽ ኣየድልየካን እዩ።
• ናይ ስራሕ መቝጸሪኻ ውዕል (እቲ ውዕል ብእንግሊዝኛ ወይ ብሽወደንኛ ዘይኮነስ ብኻልእ ቋንቋ ምስ ዚኸውን፥ እቲ ውዕል ተተርጒሙ ምስ ሓደ ቅዳሕ ናይቲ ቀንዲ “ኦሪጂናል” ውዕል ተተሓሒዙ ይልኣኽ)።
  
• ሓበሬታ ብዛዕባ ናይ ስራሕ ኣቆጻጽርኻን፥ ከምኡ ካብቲ ዚምልከቶ ማሕበር ሰራሕተኛ ናይ ምስክርነት ጽሑፍን እዩ። (እዚ ካብ ወሃብ ስራሕካ ክትረኽቦ ኢኻ)።
  
• ጸብጻብ ወይ ሰነድ ደሞዝ ናይ ኣርባዕተ ኣዋርሕን

እንተድኣ ፓስፖርትኻ ክወድቕ ቀሪቡ ከተናውሖ ኣለካ፤ እንተዘይኮነ ክሳብ ፓስፖርተኻ ክሳብ ዝወድቕ ጥራሕ ኢኻ ክትሰርሕ ዝፍቀደልካ።

እንተድኣ ብሓበር ምስ ስድራ ቤትካ ፍቓድ መቐመጢ ምስ እትሓትት

• ኮፒ ካብ ፓስፖርት ብዛዕባ ስድራኻ ዝገልጽ፤ ስእሊ፤ፌርማ፤ቁጽሪ ፓስፖርትን፤ኣበይ ሃገር ከምዝተዋህበካን፤ንኽንደይ እዋን ከምዘገልግልን፤ ብማሺን ክንበብ ዝኽእል ኮድን ብዛዕባኻ፤ ኣብ ካልኦት ሃገራት ንኽትቅመጥ ፍቓድ ምስዝህልወካ፤ብዘይካ ሃገርካ። ምናልባት ዑቕባ ኣብ ዝሐተትካሉ እዋን ቤት ጽሕፈት መዕቆቢ ስደተኛታትት እንተድኣ ወሲዶሞ ኮፒ ናይ ፓስፖርት ናብቤት ጽሕፈት መዕቆቢ ስደተኛታት ምልኣኽ ኣየድልየካን እዩ።
• ኮፒ ወይ ቅዳሕ ናይ ቃልኪዳን፤ መረጋገጺ መርዓን (ንዝተመዘገቡ ሰብ ሓዳር)
• ብሓደ ሓቢርኩም ትቕመጡ ከም ዝነበርኩም ዘርኢ ሰነድ (ንተጻመድቲ ዚምልከት)
• መረጋገጺ ናይ ውላድ ዘተወለደሉ ወረቐት
• ፍቓድ ካብ ካልኣይወላዲ/ሓለፍነት ውላድ ዘለዎ ሰብ ፤ ምናልባት እቲ ካልኣይ ወላዲ ናብ ሃገር ሽወደን ዘይመጽእ ምስዝኸውን፤ ውላድ ናብ ሃገር ሽወደን ንክኸይድ ፍቓደኛ ምዃኑ መረጋገጺ።
• ንገዛእ ርእስኻን ንስድራቤትካን ክትናቢ ከም ትኽእል፥ ደሞዝካ እኹል ከም ዝኾነ ዘርኢ ሰነድ። እዚ ኣብቲ ናይ ምልክታ ፎርም ክትረኽቦ ኢኻ ወይ ውን ኣብ ”ኤ-ኣገልግሎት” (e‑tjänsten) ኣየኖት ሰነዳት ኣተሓሒዝካ ክትልእኽ ከም ዘሎካ እዩ።

እቲ ወረቓቕቲ ናብ ቋንቋ ሽወደን ወይ ብእንግሊዝኛ ብብቑዕ ተርጓሚ ክግልበጥን፤እቲ ኦሪጂናል ተረክብ ቅዳሕ ድማ ምሳኻ ትሕዝ።  እቲ ናብ ሃገር ሽወደን ንኽመጽእ መደብ ዘለዎ ሰብ ናብ ኤምባሲ ናይ ሃገር ሽወደን ወይ ቆንስል ከይዱ ናይ ፍቓድ መቐመጢ ካርድ ምእንቲ ንኽውሃብ።

ብዛዕባ ፍቓድ ንስድራ ቤት ዝብል ጽሑፍ ኣንብብ (ብቛንቛ አንግሊዝ)

ምናልባት ምስእቲ ቀደም ዘስርሓካ ዝነበረ ወሃብ ስራሕ ክትቅጽል እንተኾንካ

• ሓበሬታ ብዛዕባ ናይ ኵሎም ዓይነት እቶታትካ ዘርኢ ሰነድ ካብ “ቤትስልጣን ግብሪ” (Skatteverket) ወይ ውን ናይ ዝሓለፈ ብፍቓድ ዝነበረካሉ ጊዜ፥ ካብ ”ቤትስልጣን ግብሪ ዚወሃበካ ”ዓመታዊ ”ጸብጻብ ኣታዊታት-ገንዘብ” (inkomstdeklaration) ዘርኢ ሓበሬታ እዩ።
• ምናልባት ውን ናይዚ ዓመት’ዚ ናይ ደሞዝ-ቅብሊታትካ (lönespecifikationer) ሰነዳት።

መብዛሕትኡ እዋን ክፍሊት ክትከፍል ኢኻ። ክትከፍል እንከለኻ ድማ ብቪዛ ወይ ብማስተር ካርድ ትኸፍል። እቲ ዝኽፈል ምስ ከፈልካ ድማ ወረቓቕትኻ ትልእኮ። ብመይል ድማ መረጋገጺ እቲ ወረቓቕተኻ ከምዝተላእከ ትሕበር። ቤት ጽሕፈት ዑቕባ ስደተኛታት ኣድላዩ ሓበሬታ ምስዝህልዎም ክራኸቡካ ይኽእሉ።

ንፍቓድ ስራሕ ንምሕታት ዝኽፈል ክፍሊት (ብቛንቛ አንግሊዝ)

እንተድአ ፍቓድ ና ይ ስራሕካ ምውድኡ ሓቲትካ፤ ክሳብ መልሲ ዝወሃበካ ክትሰርሕ መሰል ኣለካ።

ቤት ጽሕፈት ዑቕባ ስደተኛታት ውሳኔ ንኽህብ ኩሉ ዝመላእካዮ ቅኑዕን፤ ኣድለይቲ ወረቓቐትን ምስእተቕርብ እዩ። በዚ ምኽንያት እዚ ጉዳይካ ቀልጢፉ ይውሰነልካ፤ ዝጎደሉ ነገራት ካብ ምምላእን ምእንቲ ነዊሕ ግዜ ካብ ምጽባይን የድሕነካ።

ከተስተውዕሎ ዘለካ ቤት ጽሕፈት ዑቕባ ስደተኛታት ሳሕቲ ንጉዳይካ ኩሉ እቲ ዘድሊ ምስ እተማልእን እኹል ምስዘኸውን  ሳሕቲ  እንደገና መጽናዕቲ ከካይዱ ይኽእሉ እዮም።

ምክያድ መጽናዕቲ ገዜ ንናይ ስራሕ ፍቓድ (ብቛንቛ አንግሊዝ)

ኢሚግሬሽን ቅድሚ ውሳኔ ምሕላፉ ፓስፖርትኻ ንኽቆጻጸር ምርኣይ ከድልዮ ይኽእል እዩ።ስለ’ዚ ኣብ ሓንቲ ካብ’ተን ኣገልግሎት ንህበለን ቤ/ጽሕፈታት ፓስፖርትኻ ከተርእይ ከድልየካ ይኽእል እዩ።

ኣብ ገሊኡ ኲነታት ግን ንኣብነት ቅድሚ ሕጂ ኣባና መጺኻ ዑደት ኣብ ዝገበርካሉ እዋን ድሮ ፓስፖርትኻ ኣርኢኻና እንተ ነይርካ፡ሕጂ ከተርእየና ኣየድልየካን እዩ።

ፓስፖርትኻ ከተርእየና ኣድላዪ ምስ ዝኸውን፡ ብኸመይን መዓስን ከተርእየና ከም ዘለካ ሓበሬታ ክንህበካ ኢና።

እንተድኣ ፍቓድ ካብ ሰለስተ ወርሒ ንላዕሊ ተፈቒዱልካ፤ እዚ ናይ ፍቓድ ካርድ ይወሃበካ። እዚ ካርድ መረጋገጺ ኣብ ሃገር ሽወደን ንኽትቅመጥ፤ ኣብ ካርድ ድማ ስእልኻን ፤ ናይ ኣጻብዕትኻን ስእሊ ኣለዎ። ስለዚ ንስኻ ምስ ቤት ጽሕፈት ዑቕባ ስደተኛታት ንኽትስኣልን ስእሊ ኣጻብዕትኻን ንምስኣልን ብዝቐልጠፈ እዋን ቆጸራ ትሕዝ። እዚ ጉዳይ እዚ ዋላ እኳ ብቕድሚ ሕጂ ናይ መቐመጢ ካርድ እንተነበረካ፤ ስእልኻን ስእሊ ናይ ኣጻብዕትኻን ስለዘይንዓቑሮ እዩ።

ብዛዕባ ናይ መቐመጢ ፍቓድ ካርድ ኣንብብ

ቆጸራ ናብ ቤት ጽሕፈት መዕቆቢ ስደተኛታት ምእንቲ ክትስኣልን ናይ ኣጻብዕቲ ስእሊ ንኽስአሉኻን (ብቛንቛ አንግሊዝ)

ብኢመይል ጉዳይካ ከምዝተወሰነ ንሕብረካ። እቲ ውሳኔ ግን ብደብዳቤ ናብ ናይ ገዛኻ ኣድራሻ ንልእኽ። ወሃብ ስራሕካ ድማ ብሓደ ግዜ መልእኽቲ ናይ ውሳኔ ብቡሰጣ ንልእከሉ። ናይ መቐመጢ ፍቓድ ካርድ ምስ ተሰርሐ ኣብ ውሽጢ ሓደ ሰሙን ናብ ገዛኻ ይልኣኽ።