مخکې له دې چې ستنیږئ باید په دې فکر وکړئ
Att tänka på innan du flyttar – pashto
ستاسو څخه هغه څوک چې د سویډن څخه د تګ په اړه فکر کوي، یا یې پریکړه کړې وي، شاید ډیرې پوښتنې ولري. تاسو ته د ځینې مهم شیانو په یادولو سره موږ غواړو له تاسو سره مرسته وکړو، چې باید په پام کې ونیول شي تر څو تاسو یوه باخبره پریکړه وکړئ.
ستاسو روغتیا
- ددې معلومات وکړئ چې په هغه هیواد کې چې تاسو یې د تګ پلان لرئ روغتیایی پاملرنه څه ډول کار کوي.
- ددې معلومات وکړئ چې هغه درمل چې تاسو ورته اړتیا لرئ هلته خرڅیږي که نه.
- ددې معلومات وکړئ چې آیا هغه مرستې چې تاسو ورته اړتیا لرئ هلته ترلاسه کیدی شي.
- ددې معلومات وکړئ چې له سفر مخکې کومو واکسینو ته اړتیا لرئ.
- خپل طبي ریکارډونو کاپي له ځانه سره وساتئ او داسې نور طبي اسناد هم راټول کړئ چې ممکن هغې ته اړتیا پیدا شي. د هغه اسنادو ژباړه به هم ګټوره وي چې ستاسو په فکر مهم دي.
کار
- ددې معلومات وکړئ چې آیا د کارموندنې اداره کولی شي چې تاسو سره د مهارتونو په ترلاسه کولو کې مرسته وکړي، چې تاسو به په هغه هیواد کې کار کولو ته چمتو کړي چې تاسو ورته سفر کوئ.
- هغه درجې، سندونه او حوالې راټولې کړئ چې ممکن ستاسو راتلونکي کاري فرصتونه اغیزمن کړي. هغه اسناد وژباړئ چې ممکن تاسو ورته اړتیا پیدا کړئ.
- د اړیکو یو لسټ چمتو کړئ چې کیدای شي د هغې ساتل په سویډن کې ارزښتناکه وي، د بیلګې په توګه د کار او ښوونځي.
- که تاسو دمخه په هغه هیواد کې د کار وړاندیز ترلاسه کړی وي چې تاسو ورته ځئ نو تاسو باید ددې ډاډ ترلاسه کړئ چې له خپل کار درکونکي څخه یو قرارداد ترلاسه کړئ.
ښوونځي
- د هغه هیواد د چارواکو یا معادل ادارې سره اړیکه ونیسئ کوم هیواد ته چې تاسو ځئ تر څو د هغو درسي سیسټم په اړه معلومات ترلاسه کړئ.
- هغه تعلیمي درجې بشپړ کړئ چې تاسو ورته اړتیا لرئ ترڅو تاسو وکولی شئ هغه نوي هیواد کې خپلو زده کړو ته دوام ورکړئ.
- ددې ډاډ ترلاسه کړئ چې تاسو خپله سویډني زده کړې، کار زدکړه یا معادل، باوري یا تایید شوی تصدیق ترلاسه کړئ.
- له سویډني ښوونځیو یا کورسونو څخه سندونه او درجې راټولول او ژباړل.
امنیت
- دا معلومه کړئ چې تاسو په هغه هیواد کې چې تاسو ورته سفر کوئ د اوسني قوانینو لخوا څنګه اغیزمن کېږئ. د مرستې ترلاسه کولو لپاره، تاسو کولی شئ د هیواد نږدې سفارت یا قونسلګرۍ سره اړیکه ونیسئ.
- دا معلومه کړئ چې په نوي هیواد کې ستاسو حقوق او مکلفیتونه څه دي.
- د جنګ په پخوانیو سیمو کې د احتمالي خطرونو څخه ځان خبر کړئ، د بیلګې په توګه ماینونه او لاسي بمونه.
- د توکمیزو مخالفتونو په اړه ځان خبر کړئ او دې ته ورته داسې نور څه هم ممکن لاهم ژوندي وي.
به سویډن کې استوګنځاې
- دا معلومه کړئ چې ستاسو د خبرتیا موده څومره ده او مخکې له دې چې تاسو حرکت وکړئ مخکې له مخکې د استوګنې خبرتیا ورکړئ.
- د سویډن د مالیې ادارې ته د بهر د تګ راپور ورکړئ. د درخواست په نوم فورمه ډکه کړئ – خارج ته کډه کول (SKV 7665) د مالیې د ادارې به ویب پاڼه کې
External link, opens in new window.
- که چیرې تاسو غواړئ چې خپله پوسته بیا واستوئ نو له دې آدرسه یې استولی شئ adressandring.se
External link, opens in new window.
- ټیلیفون، ورځپاڼي، نور ګډون او د کور بیمه لغوه کړئ.
د هغه هیواد استوګنځاې کوم ته چې تاسو سفر کوئ
- ددې معلومات وکړئ چې د کورموندنې بازار به دغه هیواد کې څه ډول دی.
- ددې ډاډ ترلاسه کړئ چې تاسو د هغه کور لپاره د قرارداد سند یا اجاره لرئ چې تاسو ورته ورځئ، او د اړتیا په صورت کې له قانوني لارې تنظیم شي.
- کور د پرېښودو مخکې باید په کور کې اړین ترمیمات ترسره کړئ.
- خپل نوی آدرس خپلو ملګرو، خپلوانو او نورو وګړو ته ورکړئ له کومو سره چې تاسو اړیکه ساتل غواړئ.
په سویډن کې اقتصاد
- د مهاجرت د بیرته راستنیدو په صورت کې د تقاعد سپما، د ناروغۍ تخصیص، د ماشومانو تخصیص او نورو تخصیصونو لپاره د Försäkringskassan مقرراتو په اړه معلومات ترلاسه کړئ. دا هم معلومه کړئ چې ستاسو ګټو ته څه پیښیږي که تاسو د سویډن تبعه نه یاست.
- هر ډول پورونه تادیه کړئ، یا د وتلو دمخه د قسطونو په اړه تړونونه وکړئ.
- د سویډن د مهاجرینو ادارې څخه د بیرته راستنیدو سفر لپاره د بیرته راستنیدونکي مهاجرت مالي مرستې لپاره غوښتنه وکړئ.
کورته د بیا ستنیدو لپاره د مالي مرستې په اړه نور معلومات
د هغه هیواد اقتصاد کوم ته چې تاسو ورتګ کوئ
- ددې معلومات ترلاسه کړئ چې په هغه هیواد کې چې تاسو ورځې د ټولنیز امنیت سیسټم څرنګه کار کوي، د بیلګې په توګه قراردادونه، تقاعد او مالي مرستې.
- ددې په اړه معلومات ترلاسه کړئ چې په هغه هیواد کې د زدکړې سیسټم څه ډول کار کوي، د بیلګې په توګه آیا هغه وړیا دی یا زده کوونکي لپاره مالي مرستې شته او یا دا چې سکالرشپونه ورکول کیږي.
- ددې معلومات ترلاسه کړئ چې آیا تاسو د سبسایډي یا مالي مرستې لپاره وړ یاست، د بیلګې په توګه کور، خپل شخصي شرکت پیلول یا د کوپراتیف حرکت لپاره.
- ددې معلومات ترلاسه کړئ چې آیا په نوي هیواد کې داسې رضاکارانه سازمانونه شتون لري چې تاسو یې د مرستې لپاره کارولی شئ.
سفر
- له تګ څخه وړاندې خپل سامان د انتقال او سفر په هکله ښه پلان وسنجوئ.
- د سفر او ترانسپورت لپاره اړینه بیمه ترتیب کړئ.
- هغه اسناد راټول کړئ چې تاسو ورته اړتیا لرئ، لکه پاسپورت، د هویت کارتونه، د هویت اسناد، د موټر چلولو جواز، (CV)، وروستي اعلامیې، ګمرکي اسناد او نور.
د بیرته راستنیدو تمه
په کورنۍ کې د بیرته راګرځیدونکو سیاروو او د هغو توقعاتو په اړه چې هر یو یې لري په ښکاره توګه خبرې وکړئ. دا په ځانګړې توګه مهمه ده چې تاسو د ماشومانو سره خبرې وکړئ. دوی ممکن په سویډن کې لوی شوي وي او کیدای شي په دې اړه د پوهیدو لپاره ستاسو مرستې ته اړتیا ولري.
دا هم مهمه ده چې تاسو خپله کورنۍ او نور خپلوان په نوي هیواد کې د بیرته راستنیدو لپاره چمتو کړئ. خپل سفر څخه وړاندې خپل دوستان او خپلوان خبرول به تاسو ته دا سفر آسان کړي.
همدارنګه په دې هم بحث وکړئ چې پایلې به یې څه وي که چیرې د بیرته راستنیدو پریکړه ترسره کول ممکنه نه وي، یا که هرڅه لکه څنګه چې تاسو پلان کړي وي پرمخ نه ځي.